Erzirom de semedê Roşanê Ziwanê Kurdkî eşkerayîye 

2025-05-15 14:54:34


	 

	 

	ERZIROM - Eşkerayîya Erzîromî de semedê wesîleya 15ê Gulane Roja Roşanê Ziwanê Kurdkî, ame qetîkerdiş ke "Birêz Abdullah Ocalan zî bi taybetî vano ke meseleya ziwanê dayîke bi qasê nan û awe muhîm o."

	 

	Têgêrayîşê Cinîyanê Azadan (TJA), Partîya Herêmanê Demokratîke (DBP) û Partîya Têduştî û Demokrasî (DEM Partî) Erzirom de bi wesîleya Roja Ziwanê Kurdkî eşkerayîyêke çapemenîye organîze kerd. Xeylêk kesî beşdarê eşkerayî bîyî. Nameyê sazgehan ser o Hemserekê Bajarê DEM Partîye Bariş Kemaloglû eşkerayîye wend.

	 

	'Meseleya ziwanê dayîke bi qasê nan û awe muhîm a'

	 

	Bariş Kemaloglu bale ant serê roja Roşanê Ziwanê Kurdkî ya 15ê Gulane û va, "Şarê kurdî her tim semedê pawitişê ziwanê xo xo ver dayo û qet nêverdayo ke ziwanê înan bêro xovîrrakerdiş. Birêz Abdullah Ocalan zî vano, meseleya ziwanê dayîke bi qasê nan û awe muhîm a."

	 

	'Eke ziwanê ma çinî bo, ma do zî bimirê'

	 

	Dima ra Parlamentera DEM Partîye Meral Daniş Beştaş zî Roşanê Ziwanê Kurdkî pîroz kerd û va, "Bi serran o ke hukmat wazeno ziwanê kurdkî çin bikero. Na polîtîka ewro zî dewam kena. Tutê ma hema zî nêeşkenê dibistanan de bi ziwanê xo yê dayîke perwerde bivînê. Nê sebebî ra şarê kurdî bi desin serre yo semedê ziwanê xo têkoşîn kenê.”