Dîlan Babat

 

SILÊMANÎ - Hemsereka Pêroyî ya verî ya Têgêrayîşê Azadî Taraha Huseyîn ke tewrê kongreya NADA'yî bî, dîyar kerd ke vengdayîşê Abdullah Ocalanî tena semedê kurdan nê, semedê pêro dinya yo û va, berpirsyarîyê nê vengdayîşî milê pêro cinîyanê dinya, pawitoxê heqê cinîyan û kesê ke têkoşînê cinîyan danê ser o.

 

Koalîsyonê Cinîyan ê Demokratîkî yê Rojhelata Mîyanên û Herêma Vakurê Afrîkayî (NADA) Silêmanîye de yewine kongreya xo bi bernameyê hîrê rojan pê ard. Rojhelatê Mîyanên, Kurdistan, Tirkîya, Vakurê Afrîka, Vakut û Rojhelatê Sûrîye û xeylêk welatijê bînî tewr bî. Roja ewilî yê kongre de roniştiş ame kerdiş. Roniştiş de nameyê cîya ser o qiseykerdiş û munaqeşe ameyî kerdiş.

 

Konferanso ke xeylêk babetê sey netew dewlete, qirkerdişê cinî, polîtîkayê bêcezaverdayîşî, talanê ekolojîk ameyî dest girewtiş, bêmabêne ame vatiş ke paradîgmaya konfederalîzmê demokratîke yê Rayberê Şarê Kurdî Abdullah Ocalanî cewabê modernîteyê kapîtalîstî yo.

 

Hemsereka Pêroyî ya verî ya Têgêrayîşê Azadî Taraha Huseyîn kongre de ajansê ma rê qisey kerd.

 

‘Ameyîşê ma yê têhetî do têkoşînê ma tewr pîl bikero’

 

Taraha Huseyîn dîyar kerd ke xeylêk cinî tewrê kongreya NADA’yî bîyê û va: “Seserra 21. de cinî problemê xo, çareserî û têkoşînêk senîn bikerê qisey kerdî. Çayê dinya de beno wa bibo, problemê cinîyan sey yewbînan ê. Hemverê nê de çareserî zî yew a. Nê demo ke kaos Rojhelatê Mîyanên de yeno ciwîyayîş, ma cinîyan dir ameyî têhet. Ma semedo ke problemanê xo munaqeşe bikerê û çaeserî bivînê ameyî têhet. Ameyîşê ma yê têhet do têkoşînê ma pîlêr bikero.”

 

‘Ganî ma paştdayîş bidê prosesî’

 

Taraha Huseyîn bale ant çareserî ser û va: “Kurdê ke semedê nasnameyê xo têkoşîn kenê, sey terorîst yenê îlankerdiş. Nê caardişî bêehlaqî yê. Ma pêro dinya de sî vîna ke Birêz Ocalan gamê ke eştê, namzedê xelata aştîye ya Nobelî yo. Vengdayîşê ey, vengdayîşê aştîye yo. Muhîm o. Ma pozîtîf vînenê. Ma xo eynî wextî de berpirsîyar vînenê. Vengdayîşê Ocalanî tena semedê kurdan nîyo, semedê pêro dinya ameyo kerdiş. Ma pozîtîf vînenê, paştdayîş danê û semedê wezîfeyê xo zî hazir ê. Ganî ma wezîfeyê xo bica bîyarê.”

 

Derheqê Têgêrayîşê Azadî de

 

Konseyê Hukmî yê Berzê Iraqî, 6ê tebaxa 2024ine de qerar dabî ke Têgêrayîşê Azadî, Azadîya Êzidî û Partîya Demokrasî (PADÊ) bêro padayîş. Hukmê Iraqî no qerar netîceya têkiliyê Tirkîya dir aver berdibî û netîceya zextê Tirkîya de dabî.