MERKEZÊ XEBERAN - Wezîrê Weşîye yê Îranî Muhammed Riza Zaferkendî dîyar kerd ke semedê rewşa xirab ya hewayî ra welat de her serre 50 hezar tutî dinyaya xo bedelnenê.

 

Wezîrê Weşîye yê Îranî Muhammed Riza Zaferkendî, dîyar kerd ke semedê rewşa xirab ya hewayî ra welat de her serre nêzdîyê 50 hezar tutî dinyaya xo bedelnenê. Wezîr Riza Zaferkendî ke Fakulteya Tibî ya Şehîd Beheştî ya Tahranî de qisey kerd û dîyar kerd ke hewayê lêşin tesîrêk negatîf weşîye tutan ser o keno.

 

Wezîr Riza Zaferkendî neql kerd ke ganî komel na babete de hîna zêde hîsgêr bibo û va: “Ganî pêro hetê wezîfedar wareyê weşîye de taybetî zî mektebê tibî, zêdekerdişê wendişê weşîya şarî bidê. Bi no hewa tesîrê faktorê derûdorî yê sey lêşinîyê hewayî û qezayê trafîkî ke her serre benê sebebê merdişê nêzdîyê 30 hezar kesî, tesîrê ci kêmî bê.”