STENBOL - Dayikên Şemiyê ji bo Halîl û Kasim Alpsoy ên 31 sal berê di binçavan de hatin qetilkirin, edaletê xwestin, bang li Serokkomar Tayyîp Erdogan kirin ku soza xwe ya ji bo darizandina kiryaran bi cih bîne û diyar kirin ku êdî aştiyê dixwazin.

 

Dayikên Şemiyê/Mirovên Şemiyê ku her hefte li Qada Galatasarayê li hev kom dibin û aqûbeta xizmên xwe yên di binçavan de hatin windakirin an jî hatin qetilkirin bipirsin û ji bo kiryaran bên darizandin çalakiya xwe ya 1050'î li dar xistin. Dayikên Şemiyê li Qada Galatasarayê bi qurnefîl û wêneyên xizmên xwe yên di dema binçavkirinê de hatin windakirin hildan û hatin cem hev. Gelek aktîvîstên mafên mirovan beşdarî daxuyaniyê bûn. Daxuyaniya çapemeniyê ji aliyê Komîsyona Windayan a ÎHD'ê Sebla Arcan ve hat xwendin.

 

Dayikên Şemiyê vê heftê berpirsyarên qetilkirina Halîl Alpsoy û pismamê wî Kasim Alpsoy ên di Gulana 1994'an de li Stenbolê bi îşkenceyê hatin qetilkirin pirsîn. 

 

Sebla Arcan, anî ziman ku bi êşeke kûr û valahiyeke bê derman ketine roja dayikan û got: "Yên ku dewletê bi rê ve dibin, dê careke din ji raya giştî re peyamên pîrozbahiyê yên bi gotina 'dayikên me yên ku her tim hurmeta herî mezin heq dikin' biweşînin. Lê ew ê guh nedin dayikên bi salan li zarokên xwe digerin û di roja edaletê de careke din têdikoşin. Ji bo dayik û malbatên kesên ku di bin çavan de hatine windakirin, em careke din bi bîr tînin, windakirinên di binçavande ji aliyê rayedarên dewletê ve an jî bi erêkirina dewletê hatine kirin sûc e. ne tenê ew kesên ku hatine windakirin, ew jî bi salan e ku qelew in.

 

Sebla Arcan, anî ziman ku heta roja îro hat redkirin ku Halîl û Kasim Alpsoy nehatiya binçavkirin û wiha got: "Hemû serlêdanên malbatên wan bê encam man. Ji bo darizandina kiryaran tu sazî û dezgehên dewletê lêpirsîneke bi bandor nekiriye. 31 sal in hemû dewlet rê nadin van malbatan ku bigihêjin edaletê. Em bang li hiqûqa bingehîn a darazê dikin. Di doza Kasım û Halil Alpsoy de edaletê pêk bînin." 

 

Hevjîna Kasım Alpsoy Şeyla Erdogan Alpsoy jî di çalakiyê de wiha axivî: "Bê pirsiyariyê hevserê min birin û qetil kirin. 31 sal in em li Qada Galatasarayê li edaletê digerin. Weke Dayikên Şemiyê me berê jî bi Serokomar Tayyîp Erdogan re hevdîtin kir ku windayên xwe bibînin. Erdoğan soz da ku ew ê nebîne, lê wî soz da me. Em daxwaz dikin ku dorpêça li Qada Galatasarayê bên rakirin û ev der ji gelê me re bê vekirin. Her wiha êdî em hestiyên windayên xwe dixwazin û bila êdî aştî bê vî welatî"

 

Kurê Halîl Aksoy Serdar Aksoy jî wiha nêrînên xwe anî ziman: "Dema ku windayên mirov hebin, mirov zarokatiya xwe winda dike. Dema bavê min birin ez 14 salî bûm. Ez niha 45 salî me û hê jî meraq dikim ku bavê min dema destên xwe girêdabûn, herî dawî çi xwest ji me re bibêje. Bi salan e gotinên bavê xwe yên dawî di serê xwe de ye û êş û elem dihejand."

 

Hevjîna Fehmî Tosun ê di bin çavan de hat windakirin Hanim Tosun jî wiha bi lêv kir di çalakiyê de: "Di roja dayikan de gel diçin ser gorên windayên xwe û qurnefîlan dihêlin. Goreke me tune ku em lê biçin. Ez roja dayikan a hemû windayan pîroz dikim û hemûyan hembêz dikim. Mîrasa dayikên ku jiyana xwe ji dest dane dê bimîne. Em ê heta dawiyê têkoşîna xwe bidomînin."