Rozerîn Gultekîn

 

STENBOL - Endama Atolyeya Jîneolojî ya Stenbolî Sevcan Kadîroglu derheqê polîtîkaya keye, modelê ke komelî de vurnayîş û açarnayîşêk senî hedef gênê de, qisey kerd û va: “Keye açarya wareyê ke tewr zêde cinîyan keno kole. Ma keye red nêkenê, çin nêhesibnenê. Ma keyeyêk demokratîk yê esasê cinî-camêrdê azad ke cinîyan nêkeno kole, hedef kenê.”

 

Hêrişê hemverê cuye, îrade û destkewtişê cinîyan roj bi roje giran beno. Ewil serra 2025ine ‘serra keyeyî’ ame îlankerdiş. 15ê nîsane de Wezaretê Weşîye va, heta hewcedarîyê tibî çinbê do sezeryan nêrê kerdiş û qedexe kerd. Eynî wextî de wezîrê weşîye Kemal Memîşoglu weşanêk de va, tutî çinbê keye zî awan nêbeno û tena sey cinî-camêrd manenê. Eynî wextî de wezîra xizmetê keye û komelî zî va, ‘ê sewîyeya alarmî de yê, do ciwanê ke bişirawê leşkerî nêvînê’. Endama Atolyeya Jîneolojîya ya Stenbolî Sevcan Kadîroglu derheqê modela keyeyî ya demokratîke de qisey kerd.

 

‘Îqtîdar keyeyê leşker û karkerê xo peyda keno’

 

Sevcan Kadîroglu dîyar kerd ke keye semedê sîstem û îqtîdar babetêk muhîm o û va: “Îqtîdar keyeyê ke wazenê leşker û karkerê xo awan bikero de, cinsperestî giran keno. Keye wareyêk ke tutî yenê pelçiqnayîş û binpaykerdişî yê. Semedê nê nika bi endîşeyîn ê. Nê semedî ra 2025 ‘serra keyeyî’ îlan kerdî. Nê welatî de cinî û tutî çin yenê hesibnayîş. Her roje ma bi qetilkerdişê cinî û tutan ma şîyar benê. Rastîyêk wina est o û hema polîtîkaya xo serê bedenê cinî de kenê. Wexto ke na raştî bibê, bêşik polîtîkayê îqtîdarî raştê reaksîyonan yenê. Ma semedê keyeyî vanê; mîkro dewlete, protîpê dewlete. Wazenê tîpê keyeyê ke cipersayîş nêkenê awan bikerê.”

 

‘Ma awankerdişê keyeyêk demokratîk hedef kenê’

 

Sevcan Kadîoglu dewam de wina va: “Ma nê polîtîkayan rêze ra nêvînenê. Ma eşkenê vajê ke nê polîtîkayî cayê xo zî nêgînê. Semedo ke têkoşînêk cinîyan yê pîl est o. Ma keye red nêkenê, çin nêhesibnenê. Ma awankerdişê keyeyêk demokratîk ê sewîyeya zewacê azad de hedef kenê. Ma bi zîhnîyetêk ke cinî qetil keno dir rî bi rî yê. Nê hetî ra  azadbîyayîşê cinîyan, azadîya pêro wareyê cuye yê. Yew gamê komelê polîtîk, keyeyê demokratîk o. Ma bi têkoşînê cinî, semedê cuyêka ke cinî bibê merkez têkoşîn kenê. Ma do têkoşînê xo hemverê pêro polîtîkayan dewam bikerê.”